“Tok për Flinë” te “Kalaja e Tiranës”
“Tok për Flinë” 🇽🇰🇦🇱
26 Nëntor | Kalaja e Tiranës | Ora: 11:00
♥️ Dy vende, një zemër, një tryezë – Shije që na bashkojnë!
Flija e Shqipërisë dhe e Kosovës, tutmaçi i Tiranës dhe mantijat e Kosovës do të gatuhen dhe shpjegohen nga gra dhe amvisa të ardhura nga të dy anët e kufirit. Këto janë shije të trevave tona, që gjejnë vend në sofrën e përbashkët të shqiptarëve.🥘
Në këndin pritës të Kalasë së Tiranës, do të njiheni me historinë dhe aromën e këtyre gatimeve tradicionale. Një udhëtim në kulturën e kuzhinës etnike të Shqipërisë dhe Kosovës, rrëfyer nga Znj. Dhurata Thanasi Daneri, themeluese e “Luga e Argjendtë” dhe studiuese e historisë së kulturës ushqimore shqiptare dhe ballkanase.
Mos e humbisni këtë festë të shijes dhe traditës! Ejani të shijojmë dhe të festojmë bashkë në sofrën e shqiptarisë!🥰
