Ekspozita “Rrëshqitje” nga Dea Shubleka & Jsononi te Qendra e Artit “Agimi” Tiranë
“Rrëshqitje” vjen si një rrëshqitje në mendime, në ndjesi, në krijimtari dhe në perceptim, një përvojë që sfidon konceptin tradicional të artit dhe e çon publikun në një udhëtim mes realitetit dhe imagjinatës. Duke sfiduar format konvencionale të ekspozimit, përmes një serie veprash eksperimentale, digjitale dhe instalacionesh, “Rrëshqitje” ofron një eksplorim ndijor dhe konceptual mbi mënyrën sesi perceptimi dhe krijimtaria bashkëveprojnë në përditshmërinë tonë.
