Search
Close this search box.

Ambasada shqiptare ekspozitë me 40 punime të fëmijëve dhe grave nga Ulqini

Në mjediset e Ambasadës së Shqipërisë në Vjenë sot u hap një ekpozitë me 40 punime të fëmijëve dhe grave nga Ulqini, të krijuara në kuadrin e Punishte Artistike nga Fëmijët dhe Gratë e Ulqinit, e drejtuar nga Profesore Arti Zj. Vahida Nimanbegu.

Grupi i nxënësve dhe grave nga Ulqini u pritën në ambasadë nga Ambasadori Roland Bimo dhe stafi i ambasadës.

Punimet e bukura të fëmijëve dhe grave paraqisnin veshje dhe motive popullore nga Ulqini, por edhe nga krahinat e tjera të Shqipërisë.

Ambasadori Bimo falenderoi Zj. Nimanbegu për kontributin e vlefshëm për komunikim përmes vlerave artistike e kulturore, si dhe edukimin e brezit të ri.

Të pranishmit patën rastin të njiheshin nga afër me veprimtarinë e Punishtes Artistike nga Fëmijët dhe Gratë e Ulqinit dhe vlerësuan lart punimet e paraqitura në ekspozitë.

Falenderime të posaçme Shoqatës Kâ dhe shumë të nderuarve Lirjeta Avdiu dhe Ermal Vejsa për bashkëpunimin dhe koordinimin e aktivietit.

Almanart