Albanian Cinematheque – Filmi “Here be dragons” nga Mark Cousins

HERE BE DRAGONS nga Mark Cousins
6 nëntor | Ora 19:30 në Destil Creative Hub

Në vitin 2013, eseisti i kinemasë Mark Cousins ​​bëri një udhëtim të shkurtër në Shqipëri me ftesë të kineastëve shqiptarë Iris Elezi dhe Thomas Logoreci. Frymëzimi dhe shqetësimet që pasuan udhëtimin e tij pesëditor, sollën HERE BE DRAGONS, një eksplorim i kinemasë shqiptare dhe idesë së kujtesës, duke kapur kohën e diktaturës së kaluar dhe ndikimin e saj në imazhet lëvizëse, historinë dhe njerëzit e Shqipërisë. HERE BE DRAGONS u shfaq premierë në Festivalin e Filmit Telluride dhe pati hapjen evropiane në Festivalin e Filmit në Londër të BFI-së.

Kjo shfaqje e Kinematekës Shqiptare organizohet në bashkëpunim me TU Vienna – Instituti i Planifikimit Urban, Arkitekturës dhe Dizajnit të Peizazhit dhe Destil Creative Hub. Ajo do të prezantohet nga drejtoresha e kinotekës Iris Elezi dhe programuesi Thomas Logoreci në bashkëbisedim me pedagogët e TU Wien M. Burda, N. Kadic, B. Eder, studentë shqiptarë dhe ndërkombëtarë.