Dokumentarët “Rrënjë, Revoltë, Zgjim” nga “Citizens Channel”
Premierë: Rrënjë, Revoltë, ZgjimCitizens.al ju fton në premierën e dokumentarëve “Rrënjë, Revoltë, Zgjim”. Një mbrëmje rrëfimesh të vërteta të betejave që luftohen pas dyerve të mbyllura. Në Qendrën e Artit Agimi, më 21 Nëntor, tre episodet i japin zë historive të grave shqiptare që, mes dhimbjes dhe guximit, shndërrojnë frikën në forcë dhe shpërfilljen në përballje.
Ky cikël dokumentarësh rrëfen ngjarje që shkojnë përtej statistikave, duke sjellë dëshmi të grave që kanë jetuar në hijet e dhunës dhe të kontrollit. Nga dhuna fizike e deri te përndjekja virtuale, çdo episod është një dritare në terrin e përditshëm që shumë gra përballen dhe zgjedhin ta sfidojnë.
Data: 21 Nëntor
Vendi: Qendra Agimi
Ora: 18:00
