
Excursus: Kadareja dhe politikja në FShS
“Kadareja dhe politikja” titullohet leksioni i radhës i ciklit të leksioneve të hapura “Excursus”, që Departamenti i Shkencave Politike i Fakultetit të Shkencave Sociale në Universitetin e Tiranës organizon me studentë dhe publikun e interesuar për aktualitetin politik dhe marrëdhëniet ndërkombëtare. Duke marrë shkas nga dita e lindjes e shkrimtarit Ismail Kadare, në këtë “excursus” do të diskutohet dimensioni politik i krijimtarisë së tij.
Pedagogët e Departamentit të Shkencave Politike, Enis Sulstarova, Klejdi Këlliçi dhe Irena Myzeqari e ftuar nga Universiteti Europian i Tiranës, do të ofrojnë lexime të veprave të Kadaresë, prej këndvështrimeve nga teoritë e nacionalizmit, orientalizmit, sovranitetit, feminizmit etj. Veprimtaria mbahet ditën e martë, 28 janar 2025, ora 12:00 në Aula Magna të Fakultetit të Shkencave Sociale.
Ju presim të diskutojmë së bashku.
