Nëntori Numerik – VR “Gloomy Eyes” & “Goliath” te “Kub France” Tiranë

Në kuadër të Nëntorit Numerik, kemi kënaqësinë të ndajmë me ju programin me aktivitetet e përzgjedhura për këtë muaj të veçantë!🌐🗓

🥽Me datë 7 Nëntor ju ftojmë në mbrëmjen e realitetit virtual për të parë serinë imersive franceze “Gloomy Eyes”. ✨

Gloomy Eyes tregon historinë e diellit që ishte mërzitur me njerëzit dhe vendosi të fshihej e të mos ngrihej më. Një trilogji VR e animuar në 6DoF dhe 3D në kohë reale.

E prezantuar në hapjen e Sundance Festival, Gloomy Eyes mori çmime në festivale të shumta si SXSW Festival, Festivali Ndërkombëtar i Filmit të Animuar në Annecy ose Festivali NewImages.

Frymëzuar nga estetika e filmave në stop motion të Tim Burton, shpërndarja e Gloomy Eyes në mbarë botën u arrit nëpërmjet një bashkëprodhimi ndërkombëtar me francezët Atlas V, 3DAR në Argjentinë, Arte France, Ryot dhe HTC Vive – që u bënë shpërndarës të fuqishëm të kësaj vepre.