Teatri “Samsara” në Elbasan

SAMSARA
Black comedy

DURRËS 14-15 nëntor Teatri “Aleksandër Moisiu”
TIRANË 17 nëntor Black Box
ELBASAN 21-22 nëntor Teatri “Skampa”

Por çfarë është Samsara?

Çdo ditë është e martë. Familja vazhdon të përtypë çorbën e përditshme. Zilja e zgjimit për punën e të martës nuk ka vonesa. Martesa me Martën, e cila i shëmbëllen të martës, është në horizont.
Ngecur në rutinën e përditshmërisë, personazhi tenton t’i ikë të ashtuquajturës “samsara”, por tentativat e tij përplasen me injorimin e atyre që e rrethojnë dhe ndihmojnë të përsëritet e gjitha në mënyrë të pandërprerë në të martën e radhës.

Por atëherë kur ai bëhet i vetëdijshëm, i vjen një telefonatë për të ikur shpejt, larg e përgjithmonë. Por a është e mundur t’I ikësh, ikim, “samsarës”?

****

Samsara është një komedi e zezë që portretizon rrethin vicioz ku vërtitet sot individi modern, i cili i njësuar me rutinën e përditshmërisë, ngec në një mekanizëm shoqëror që imponon përsëritjen e vetvetes. E ndërtuar me humor të hollë, ku të vërtetat duken groteske po aq sa të hidhura, Samsara është një vepër që provokon mendimet për gjendjen e njeriun e sotëm në raport me veten dhe me ata që e rrethojnë.