Pas një pauze rikthehet “Sunny Hill Festival”, festival ky i mirëpritur në vendin tonë. Kjo është bërë me dije përmes njoftimit zyrtar në rrjetet sociale.
“Me 25-28 korrik Sunny Hill Festival 2024. Mezi po presim që të shihni çfarë do të ketë”, thuhet në njoftim.
E kësaj here Festivali “Sunny Hill” nuk do të mbahet aty ku e nisi rrugëtimin, pra në Gërmi, por në “Sunny Hill Festival Park”.
Përveç datave se kur do të mbahet ky Festival, nuk janë dhënë detaje të tjera se kush do të jenë performuesit.
Ndryshe, “Sunny Hill Festival” është një festival i përvitshëm ndërkombëtar i muzikës në Prishtinë, gjegjësisht në Kosovë, i organizuar nga këngëtarja me famë botërore Dua Lipa dhe babai i saj Dukagjin Lipa.
