Rikthehet Begeja me “Larg Barbarëve”
Në kuadër të aktivitetit “Java Kulturore e Francës”, Ministria e Kulturës në bashkëpunim me Arkivin Qendror Shtetëror të Filmit organizojnë shfaqjen e filmit francez “Larg Barbarëve”, “Loin des barbares” me regji nga Liri Begeja (1994). Ky film do të jepet ditën e martë, 20 qershor 2023, ora 19:00, te Kinema Millennium në Tiranë.
Një film i vlerësuar nga kritika evropiane, produksion i përbashkët Francë, Itali, Belgjikë, i vitit 1994, në të cilin luan aktorja franceze Dominique Blanc, në rolin e heroinës së filmit, Ronald Gutman si dhe aktorë shqiptarë në role kryesorë si Timo Flloko, Sulejman Pitarka, Piro Mani, dhe në role të tjerë, Luiza Xhuvani, Ndriçim Xhepa, Xhevdet Feri, Anisa Markarjan, Lec Shllaku, Fitim Makashi, Sesilja Plasari.
ℹ️ Hyrja e lirë!
