Ekspozita “Dorëshkrimet e Ismail Kadaresë” te “COD Kryeministri”
#ExpoCOD | Dorëshkrimet e Ismail Kadaresë
📌 Qendra për Hapje dhe Dialog, në bashkëpunim me Drejtorinë e Përgjithshme të Arkivave dhe familjen Kadare, sjell në Bibliotekën e Kryeministrisë një ekspozitë ku shpalosen dorëshkrime të Ismail Kadaresë, shkrimtari shqiptar bashkëkohor më i njohur në botë. 44 488 faqe, 📖 përfshirë romane të pabotuara, poezi dhe skica, që përshkruajnë një jetë krijimi që në moshën 11-vjeçare dhe deri në fund të jetës, do të jenë të ekspozuara për publikun.
Ekspozita që çelet më 14 nëntor 2024, ofron një mundësi të rrallë për të eksploruar botën e panjohur të Kadaresë: 📃 veprat dhe shënimet që ndriçojnë procesin e tij krijues. Çdo faqe dorëshkrimi është një udhëtim në mendimin dhe artin e tij, ku secila ide dhe reflektim shpërfaqet në mënyra të reja e të befasishme. 📜
