Takim përmbyllës “Zbulimi i Trashëgimisë: Shkodra nëpërmjet Ekranit” në Shkodër
📚 Biblioteka Publike “Marin Barleti”
🗓 21 nëntor 2024, 🕚 ora 11:00
Kemi kënaqësinë t’ju ftojmë të jeni pjesë e Eventit Përmbyllës të Projektit “Zbulimi i Trashëgimisë: Shkodra nëpërmjet Ekranit”. Ky projekt ka si synim të adresojë promovimin e trashëgimisë kulturore të qytetit të Shkodrës në mënyra inovative dhe të qasshme për një audiencë më të gjerë.
Në këtë aktivitet do të prezantohen Tour Virtual në Muzeun Historik të Shkodrës “Oso Kuka”, si dhe teknikat e përdorura për digjitalizimin e disa prej artefakteve dhe objekteve të trashëgimisë kulturore të këtij Muzeu, duke ofruar kështu një mënyrë inovative për prezantimin dhe rritjen e ndërgjegjësimit për trashëgiminë kulturore të qytetit, nëpërmjet teknologjisë.
Projekti u implementua nga Qendra Digital Future me mbështetjen financiare të Ministrisë së Ekonomisë, Kulturës dhe Inovacionit, dhe me bashkëpunimin e ngushtë të Bashkisë Shkodër dhe Muzeut Historik të Shkodrës “Oso Kuka”.
Ju mirëpresim ditën e enjte, datë 21 Nëntor 2024, ora 11:00 në ambientet e Bibliotekës Publike “Marin Barleti”!
