“Zhurma e kohës” – Premierë, prej 8 Dhjetorit në Teatrin Metropol.

Vepra ka si personazh një aktor, i cili flet për jetën dhe përditshmërinë e tij, jashtë dyerve të teatrit. Aktori është gjithmonë në luftë me zhurmat e akrepave, orën dhe kohën si koncept, arrin të fitojë por kthehet shumë më përpara, tek momentet e lumtura të tij, i takon ata që pa dashje ja kanë shkaktuar vetminë, i jeton momentet pa frikë, pa paragjykime. Në thelb shfaqja është e bazuar në personazhe të jetës reale, kryesisht mosha të treta dhe historitë e tyre konkrete, ku jeta i ka përballur me humbjen e njerëzve të dashur, vetminë, me peshën dhe rëndësinë e kohës, vlerën e saj dhe dëshirën për të jetuar ose jo.

“Zhurma e kohës” është shfaqja që çel festivalin e veprës shqipe në Teatrin Metropol, “Metrofest 6”. Një shfaqje e zhanrit të Teatrit të Lëvizjes.

Titulli: “Zhurma e kohës”
Autor: Rafael Hoxhaj
Regjia: Rafael Hoxhaj
Interpretojnë: Rafael Hoxhaj
As.regjisor: Bujar Hoxhaj
Muzika: Rafael Marinaj
Kostumograf: Frenci Gjerasi
Në datat: 8, 9, 10, 11, 15, 16, 17, 18